29 January, 2012

Քանդում են Սևան հյուրանոցի վերջին մնացորդները...


Մտածում էի մի քանի ժամով գամ աշխատեմ Երևանի կենտրոնի խնդիրների վերաբերյալ մոտ մեկ ամիս առաջ սկսածս հոդվածը, երբ տեսա ինչ է կատարում այրված արդարադտության նախարարության, նախկին Սևան հյուրանոցի շենքի մոտ. Այն հենց այս պահին քանդում են։

Մի քանի օր առաջ ճարտարապետների և շինարարների միության համատեղ ուժերով տպագրվող ամսագրի վերջին համարը թերթելիս կարդում է Սևան հյուրանոցի վերաբերյալ երկու էջանոց հոդվածը, որի մի մասը տրվել էր արդարադատության նախարարությանը մտի քանի տասամյակ առաջ, իսկ այսօր, հենց այս պահին այն քանդում են։

2005 թվականին մենք կայացած փաստի հետ հաշտվելով մոմավառություն էինք անում, իբր չենք հասցրել փրկել այն, բայց այսօր, հենց այս պահին քանդում են, վերջին Սևան հյուրանոցի մնացորդները ու մենք լռում ենք։


Երեկ զրույցի ժամանակ ասում էի, որ կարծում եմ մենք այլևս հուշարձաններին կարողանում ենք պաշտպանել, իսկ այսօր ես տեսա թե ինչպես են քանդում այդ շենքը։ Այն շենքը որ նախագծվել է Երևանի առաջին գլխավոր ճարտարապետ Նիկողայոս Բունիաթյանի կողմից։ Այն քանդվում է այսօր, որպեսզի ըստ կից գծագրերի, կառուցվի ներկայիս գլխավոր ճարտարապետին պատկանող կազմակերպության կողմից նախագծված շենքը։


Այն քանդվում է քանի որ մենք 2004 թվականին երբ հաստատվում էր Երևանի հուշարձանների ցանկը այն չեմ հասկանում ինչու դուրս էր մնացել ցուցակից։ Ու այն դադարել է հուշարձան լինել… 

Իսկ այսօր առավոտյան մտածում էի որ հոգնել եմ արդեն ամեն ինչի համար պայքարել կոչվող աղմկելուց, ուզում եմ զբաղվեմ իմ սիրած աշխատանքով, քանի որ այն հաստատ որւէ կապ չունի իմ հետաքրքրությունների հետ։ Այն հենց այս պահին քանդում են Երևանի լավագույն հրապարակներից մեկի վերջին մնացորդը ու մենք պատրաստվում ենք “խելոքներով” բարեկենդան նշենք մի քանի ժամից։


Մեկ անգամ ևս հայցում եմ ապագա սերունդներից, որ ես 2012 թվականի հունվարի 29-ին ուրախանում էի ընկերներիս հետ, քանի որ հաջորդ օրը սկսվում է Մեծ Պահքը, իսկ հենց այս պահին քանդում են Երևանը… 


© 2009 - 2012 /// Sarhat Petrosyan

17 January, 2012

Բաց նամակ - հայտարարություն Կենտրոնական ծածկված շուկայի համար

ՀՀ վարչապետ Տիգրան Սարգսյանին
Երևանի քաղաքապետ Տարոն Մարգարյանին


ք. Երևան
17 հունվար 2012թ.


Բաց նամակ - հայտարարություն


Մի քանի օր առաջ մի շարք լրատվամիջոցեր հաղորդեցին, որ Երևանի Մեսրոպ Մաշտոցի պողոտայում գտնվող Կենտրոնական ծածկված շուկայի շենքում սկսվել են շինարարական աշխատանքներ։ Տեղում պարզվեց, որ ընթացքի մեջ են լայնածավալ շինարարական աշխատանքներ՝ այդ թվում և կանգուն շենքի միջնամասում ստորգետնյա հարկերի կառուցում։ Պարզվել է նաև, որ Երևան քաղաքի պատմության և մշակույթի անշարժ հուշարձանների պետական ցուցակում ընդգրկված հանրապետական նշանակության հուշարձանի տարածքում կատարվող աշխատանքները ոչ միայն չեն համաձայնեցվել Երևանի քաղաքապետարանի հետ, այլև պետական լիազոր մարմին հանդիսացող ՀՀ մշակույթի նախարարության հետ։
Երևանի կենտրոնական ծածկված (փակ) շուկան ունի թե' ճարտարապետական, թե' ճարտարագիտական մեծ արժեք, ինչպես նաև պատմական նշանակություն։ Այն նախագծվել է ճարտարապետ Գ. Աղաբաբյանի (ում հարյուրամյա հոբելյանը նշվեց նախորդ տարի), և կոնստրուկտոր Հ. Առաքելյանի կողմից և արժանացել բազմաթիվ մրցանակների, հրապարակվել է Երևանի մասին գրեթե բոլոր հրատարակումներում։
Ելնելով այս ամենից պահանջում ենք.
  • դադարեցնել Երևան քաղաքի պատմության և մշակույթի անշարժ հուշարձանների պետական ցուցակում ընդգրկված (թիվ՝ 1.6.152) շինության տարածքում սկսված աշխատանքները,
  • համաձայն «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» ՀՀ օրենքի` քննարկել նախագծային միջամտությունները ՀՀ մշակույթի նախարարության համապատասխան ստորաբաժանումներում,
  • Երևանի քաղաքապետին կից քաղաքաշինական խորհրդում լայն ու բազմակողմանի մասնագիտական քննարկման ներկայացնել նախագիծը, այդ թվում և հուշարձանի ներքին տարածությունում իրականցվող փոփոխությունները,
  • Քաղաքաշինության մասին ՀՀ օրենքի համաձայն իրականացնել հանրության իրազեկում և անհրաժեշտ քննարկումներ։
  • Լիահույս ենք, որ ի պատասխան այս գրության մեր հասարակությունը վկան կլինի նախորդ տարվա ընթացքում սկսված շրջահայաց և ըմբռնող մոտեցման ևս մեկ դրսևորման։


Թրանսփարենսի հակակոռուպցիոն ՀԿ
Հին և նոր քաղաք հիմնադրամ
Մեր քաղաքը ՀՔՆ
Մենք ենք այն քաղաքի տերը ՔՆ
Պահպանենք Հանրապետության հրապարակը ՔՆ
Պետական կարիքների զոհեր ՀԿ
ՈւրբանԼաբԵրևան
Փրկենք հուշարձանները նախաձեռնություն


© 2009 - 2011 /// Sarhat Petrossian